Böyük Britaniyanın keçmiş maliyyə naziri Rişi Sunak Mühafizəkarların yeni lideri və baş nazir postuna namizədliyini rəsmən açıqlayıb.
Senzor.az yerli KİV-ə istinadən bildirir ki, bu barədə o, “Twitter” səhifəsində yazıb.
Rişi Sunak ölkə ictimaiyyətini etimadı qaytarmağa, iqtisadiyyatı bərpa etməyə və ölkəni yenidən birləşdirməyə çağırıb.
Xatırladaq ki, Sunak Conson hökumətində mühafizəkarlar sıralarında növbəti qalmaqal fonunda istefa verən ilk nazirlərdən biri olub. Sonda proses Boris Consonun istefası ilə nəticələnib. Mühafizəkarların yeni liderinin seçilməsinin payıza qədər mümkün olacağı gözlənilir.
