Ukrayna prezidenti Volodimir Zelenski Ukraynanın Almaniya, Macarıstan, Norveç, Çexiya və Hindistandakı səfirlərini geri çağırıb.
Senzor.az yerli KİV-ə istinadən bildirir ki, müvafiq sərəncam iyulun 9-da imzalanıb və dövlət başçısının saytında yerləşdirilib.
Andrey Melnik Almaniya, Lüdmila Nepop Macarıstan, Vyaçeslav Yatsiuk Norveç, Yevgeni Perebyinos Çexiya, İqor Polix isə Ukraynanın Hindistandakı səfirləri vəzifəsindən geri çağırılıblar.
Xatırladaq ki, V.Zelenski iyunun son günlərində Ukraynanın İran İslam Respublikası, Gürcüstan, Slovakiya, Portuqaliya və Livandakı fövqəladə və səlahiyyətli səfirlərini də geri çağırmışdı.
