İran Prezidenti İbrahim Rəisi Tehranın Suriyada sülh və sabitliyə dəstəyini bir daha təsdiqləyib və bu ölkənin işlərinə hər hansı xarici müdaxiləyə qarşı olduğunu bildirib.

Senzor.az bildirir ki, bu barədə Tasnim agentliyi məlumat yayıb.

Prezident Rəisi şənbə günü axşam suriyalı həmkarı Bəşər Əsədlə telefon danışığında Suriya xalqını və hökumətini Qurban bayramı münasibətilə təbrik edib.

İranın Suriya başda olmaqla müqavimət oxuna davamlı dəstəyini təsdiq edən Rəisi, "İran sülh və sabitliyin bərqərar olmasının tərəfdarıdır və Suriyaya hər hansı xarici müdaxilənin əleyhinədir" deyib.

O, Suriya Prezidentinin bu yaxınlarda Tehrana səfəri zamanı imzalanmış sazişlərin yerinə yetirilməsinin vacibliyini də vurğulayıb.

Senzor.az