Birləşmiş Ştatlar İranın Rusiyaya bir neçə yüzə qədər pilotsuz uçuş aparatı (PUA) verəcəyini düşünür.

Senzor.az yerli KİV-ə istinadən bildirir ki, bunu jurnalistlərə açıqlamasında ABŞ Prezidentinin milli təhlükəsizlik məsələləri üzrə müşaviri Ceyk Sallivan deyib.

Qeyd olunub ki, PUA-ların bəziləri zərbə tipli olacaq.

Sallivan həmçinin deyib ki, ABŞ-da İranın Rusiya qüvvələrinə bu PUA-lardan istifadə etmək üçün təlim keçməyə hazırlaşdığını göstərən məlumatlar var.

Təhlükəsizlik müşaviri onu da etiraf edib ki, İranın bu cür cihazları Rusiyaya bu vaxta qədər tədarük edib-etmədiyini bilmirlər.