Yaponiya və ABŞ Yapon dənizi, Şərqi Çin dənizi, həmçinin Sakit okean üzərində böyük hava təlimləri keçiriblər.

Senzor.az yerli KİV-ə istinadən bildirir ki, bu barədə Yaponiya Hava Özünümüdafiə Qüvvələri məlumat yayıb.

Qeyd edilir ki, təlimlərdə Yaponiyanın Özünümüdafiə və ABŞ-ın Hərbi Hava qüvvələrinin 50-dək aviasiya texnikası iştirak edib. ABŞ tərəfindən təlimlərdə dörd “F-35A” təyyarəsinin iştirakı xüsusi vurğulanıb.

Bildirilir ki, təlimlərin məqsədi müxtəlif taktiki manevrlərin həyata keçirilməsi və Yaponiya Özünümüdafiə Qüvvələri ilə ABŞ Hərbi Hava Qüvvələri arasında əlaqələndirmənin səviyyəsini artırmaq olub.