Xəbər verdiyimiz kimi, ABŞ Prezidenti Co Bayden Yaxın Şərqə ilk səfəri çərçivəsində Səudiyyə Ərəbistanına gəlib.
SPA agentliyi xəbər verir ki, ABŞ Prezidentini Ciddədəki Al-Salam sarayının qarşısında Səudiyyə Ərəbistanının vəliəhd şahzadəsi Məhəmməd bin Salman qarşılayıb. 
Co Baydenin Səudiyyə Ərəbistanının Kralı Salman Bin Əbdüləzizlə görüşündə ikitərəfli əlaqələr, Yaxın Şərq regionundakı vəziyyət və qlobal enerji bazarında sabitlik məsələləri müzakirə olunub.
Vəliəhd şahzadə Məhəmməd bin Salmanla görüşdə regional təhlükəsizlik, enerji məsələləri ətrafında fikir mübadiləsi aparılıb. 
Co Bayden iyulun 16-da Ərəb Ölkələrinin Əməkdaşlıq Şurasının Sammitində iştirak edəcək. Səudiyyə Ərəbistanı, Bəhreyn, Oman, Qətər, Küveyt və Birləşmiş Ərəb Əmirliklərinin liderlərinin iştirak edəcəyi tədbirin əsas müzakirə mövzusu Yaxın Şərqdəki vəziyyət və qlobal enerji böhranıdır.
**21:42
ABŞ Prezidenti Co Bayden İsrail, Fələstin və Səudiyyə Ərəbistanına regional səfərinin son dayanacağı olan Səudiyyə Ərəbistanının Ciddə şəhərinə gedib.
Senzor.az bildirir ki, bundan əvvəl ABŞ lideri Fələstin Prezidenti Mahmud Abbasla görüşüb.
Görüş Mahmud Abbasın İordan çayının qərb sahilində, Ramallah şəhərindəki rəsmi iqamətgahında baş tutub.
...Səudiyyə Ərəbistanının Ciddə şəhərindəki Kral Əbdüləziz Beynəlxalq Hava Limanında ABŞ Prezidentini Məkkə əmiri şahzadə Xalid əl-Feysəl və Səudiyyə Ərəbistanının Vaşinqtondakı səfiri Rima bint Bəndər Əl Səud qarşılayıblar.
Daha əvvəl xəbər verdiyimiz kimi, Bayden 20 yanvar 2021-ci ildə vəzifəyə gəldikdən sonra ilk dəfə Səudiyyə Ərəbistanına səfər edir. Co Bayden Ər-Riyad Administrasiyasının hava məkanını İsrail də daxil olmaqla bütün mülki uçuşlar üçün açmaq qərarından sonra Tel-Əvivdən birbaşa Səudiyyə Ərəbistanına uçan ilk ABŞ Prezidenti olub.
