İsrail Hərbi Hava Qüvvələrinin qırıcı təyyarələri HƏMAS-ın Qəzza zolağındakı mövqelərinə hava zərbələri endirib.
Senzor.az yerli KİV-ə istinadən bildirir ki, bu barədə İsrail Müdafiə Ordusunun mətbuat xidməti məlumat yayıb.
"Bir müddət əvvəl raket atəşinə cavab olaraq İsrail təyyarələri Qəzza zolağında HƏMAS-ın bir sıra terror obyektlərinə zərbələr endirib", - deyə açıqlamada qeyd olunub.
Bildirilir ki, zərbələr HƏMAS-ın hərbi postunun daxilində yerləşən silah istehsalı müəssisəsi və HƏMAS-a aid daha üç hərbi posta endirilib.
Qeyd edək ki, ötən gecə Qəzza zolağından İsrail ərazisinə iki raket atılıb. Raketlərdən biri "Dəmir Günbəz" hava hücumundan müdafiə sistemi ilə vurulub, digəri isə açıq əraziyə düşüb. İnsident nəticəsində xəsarət alan olmayıb.
