Xorvatiyada 12 nəfərin ölümü ilə nəticələnən avtobus qəzası baş verib.

Senzor.az xarici KİV-ə istinadən bildirir ki, Polşa nömrə nişanlı avtobus Bosniya-Herseqovinaya gedərkən qəzaya düşüb. 

Avtobusda polşalı zəvvarlar olub. Məlumata görə, 11 sərnişin yerindəcə, 1 nəfər isə sonradan xəstəxanada dünyasını dəyişib, 30-dan çox insan yaralanıb.

Bildirilib ki, sürücünün sükan arxasında yatmış olması istisna edilmir.

Qəzanın baş verdiyi yolda nəqliyyat vasitələrinin hərəkəti dayandırılıb.

Hadisənin baş vermə səbəbləri araşdırılır.