Tanınmış səudiyyəli diplomat Məhəmməd əl-Qahtani Qahirədə (Misir) Ərəb-Afrika konfransında çıxış edərkən dünyasını dəyişib.
Məlumatı Tahiamasr.com yayıb.
Əl-Qahtani çıxışı zamanı “Rəbbinə sağlam qəlblə qovuşanlardan başqa heç kimin məqamı və dəyəri yoxdur”, - deyib, sonra isə huşunu itirərək yerə yıxılıb.
Tibb işçiləri ona ilkin tibbi yardım göstərməyə çalışsalar da, diplomatı xilas edə bilməyiblər. Onun ölümün səbəbi hələlik məlum deyil.
Səfirin vəfatı ilə əlaqədar tədbir ləğv edilib.
