Neftçala rayonunda mərkəzi bazarda yanğın hadisəsi baş verib.
“Report”un məlumatına görə, hadisə gecə saat 03:30 radələrində qeydə alınıb.
Belə ki, rayonun mərkəzi bazarında yanğın başlayıb. Qısa müddətdə alovun əhatə dairəsi daha da genişlənib.
Bu barədə məlumat daxil olan kimi hadisə yerinə Fövqəladə Hallar Nazirliyinin (FHN) Neftçala Rayon Dövlət Yanğından Mühafizə Hissəsinin yanğından mühafizə bölmələrinə məxsus dörd yanğınsöndürən avtomobili və xeyli canlı qüvvə cəlb edilib.
Senzor.az bildirir ki, hadisə ilə bağlı FHN də məlumat yayıb. Məlumatda deyilir ki, Neftçala şəhərində bazar ərazisində ümumi sahəsi 20 m² olan köşk, içərisində 2 ədəd soyuducu, yaxınlıqda ümumi sahəsi 35 m² olan talvar və altına yığılan piştaxta 70 m² sahədə yanıb. Yaxınlıqdakı mağazalar və piştaxtalar yanğından mühafizə olunub. Yanğın yanğından mühafizə bölmələri tərəfindən söndürülüb.
