APA xəbər verir ki, Abşeron rayonu, Xırdalan şəhərində yerləşən "Kristal Abşeron 1" binasında tüstülənmə olub.

Hadisə 18 nömrəli binadakı qarajda quraşdırılan elektrik lövhəsində baş verib.

Paylayıcı şəbəkədən çıxan tüstü liftin şaxtasına tərəf yayılıb.

Təhlükəsizlik məqsədi ilə binaya verilən elektirik enerjisi dayandırılsa da, artıq gərginlik bərpa olunub.

**00:54

Abşeron rayonunda çoxmərtəbəli binada partlayış olub.

Oxu.az xəbər verir ki, hadisə Xırdalanda yerləşən yaşayış komplekslərindən birində qeydə alınıb.

İlkin məlumata görə, partlayışa yaşayış kompleksindəki binalardan birinin elektrik təchizatında yaranmış nasazlıq səbəb olub.

Hadisə yerinə Fövqəladə Hallar Nazirliyinin (FHN) yanğından mühafizə bölmələri cəlb olunub və bina sakinləri təhlükəsiz əraziyə təxliyə ediliblər.

Hələlik partlayış nəticəsində xəsarət alanların olub-olmaması barəsində məlumat yoxdur.