Ermənistanda silahlı qruplaşmalar arasında atışma olub.
“Shamshyan.com” saytının məlumatına görə, hadisə Armavir əyalətində qeydə alınıb.
Atışma zamanı 2 nəfər xəsarət alıb. Yaralılar xəstəxanaya çatdırılıb, onlardan biri tibb müəssisəsində ölüb.
Faktla bağlı cinayət işi başlanıb, polis hadisənin başvermə şəraitini araşdırır. Cinayətdə iştirak edən şəxslərin müəyyən edilməsi üçün əməliyyat-axtarış və istintaq hərəkətləri həyata keçirilir.
Qeyd edilir ki, hadisə yerində avtomobillər, “Makarov” markalı tapança və qan izləri aşkar edilib.
Məlumata görə, atışmada ölən şəxsin atası keçmiş polis əməkdaşı olub.
