Qəbələdə dağlıq-meşəlik ərazidə yanğın başlayıb.

Senzor.az Fövqəladə Hallar Nazirliyinə (FHN) istinadən bildirir ki, yanğın Tikanlı kəndi yaxınlığında qeydə alınıb.

FHN-in Dövlət Yanğından Mühafizə Xidmətinin yanğından mühafizə bölmələri dərhal yanğınsöndürmə işlərinə cəlb olunub. Yanğınsöndürmə işlərini sürətləndirmək və alovun geniş əraziyə yayılmasının qarşısını almaq məqsədilə yanğınla mübarizə tədbirlərinə əlavə olaraq Aviasiya dəstəsinin bir ədəd helikopteri cəlb olunub.