Kollektiv Təhlükəsizlik Müqaviləsi Təşkilatının (KTMT) saytı sındırılıb və DDoS hücumuna məruz qalıb.
Senzor.az bildirir ki, bu barədə Təşkilatın katibliyinin mətbuat xidməti məlumat yayıb.
"Sentyabrın 13-də saat 23:00 radələrində KTMT-nin www.odkb-csto.org rəsmi saytı DDoS hücumuna məruz qalıb", - məlumatda deyilir.
Qeyd olunur ki, resursun fəaliyyəti pozulub, bəzi məlumat xarakterli mesajlara icazəsiz dəyişiklik etmək cəhdləri qeydə alınıb, 14 sentyabr 2022-ci il saat 07:00-dək giriş mümkün olmayıb. Hazırda sayt qismən bərpa edilib, icazəsiz müdaxilənin lokallaşdırılması və zədələnmiş və ya itirilmiş məlumatların bərpası üçün tədbirlər görülür.
