Rusiyanın Tolyatti şəhərinin Belorusskaya küçəsində yerləşən şəhər administrasiyası hücuma məruz qalıb.
Bu barədə Samaradakı "Nesluxi.rf" nəşri məlumat yayıb.
Qeyd edilir ki, binanın qapısı və eyvanı yandırılıb.
Tolyatti administrasiyasından jurnalistlərə yanğın faktını təsdiqləyib və polisin araşdırma apardığını deyiblər.
Fövqəladə Hallar Nazirliyinin Samara vilayəti üzrə idarəsinin rəhbərliyindən verilən məlumata görə, yanğın barədə siqnal səhər saat 3:44-də daxil olub. 10 kvadratmetr ərazini əhatə edən yanğın 20 dəqiqə ərzində söndürülüb. Hadisə yerindən "Molotov kokteylləri" tapılıb.
Nijni-Novqoroddakı Alyoşa Peşkov küçəsində yerləşən hərbi komissarlığın binasında da yanğın baş verib. Burada təşkil olunan hücum zamanı da binaya "Molotov kokteylləri" atılıb.
Qeyd edək ki, sosial şəbəkələrin Rusiya seqmentində bu hadisələr qismən səfərbərliklə əlaqələndirilib.
