Şabran rayonu ərazisində ölümlə nəticələnən yol-nəqliyyat hadisəsi baş verib.
AZƏRTAC xəbər verir ki, rayonun Aygünlü kəndi ərazisində mikroavtobusun aşması nəticəsində bir nəfər ölüb, 16 nəfər xəsarət alıb.
Yaralılar Şabran Rayon Mərkəzi Xəstəxanasına yerləşdirilib. İki nəfərin vəziyyəti ağır olduğu üçün Bakıdakı səhiyyə müəssələrindən birinə göndərilib.
Faktla bağlı araşdırmalar davam etdirilir.
