Şəmkirdə 13 yaşlı oğlanı elektrik cərəyanı vurub.
APA- məlumatına görə, hadisə rayonun Çinarlı qəsəbəsində qeydə alınıb.
2009-cü il təvəllüdlü Sərxan Allahverdiyev müxtəlif bədən xəsarəti ilə xəstəxanaya yerləşdirilib, vəziyyətinin kafi olduğu bildirilir.
Xaçmaz rayonunda isə elektrik cərəyanı 55 yaşlı kişini vurub.
"Report"un məlumatına görə, hadisə Üçgün kəndində qeydə alınıb.
Belə ki, 1967-ci il təvəllüdlü Murad Arif oğlu Qurbanəliyev yaşadığı evin həyətyanı sahəsində tövlədəki mal-qaraya baxarkən ehtiyatsızlıqdan onu elektrik cərəyanı vuraraq öldürüb.
M.Qurbanəliyevin meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Faktla bağlı araşdırma aparılır.
