Bakıda sürət qatarı dəmir yolunu keçmək istəyən şəxsi vuraraq öldürüb.
Senzor.az bildirir ki, hadisə Keşlə dəmir yolu stansiyası ərazisində qeydə alınıb.
Maşinist Mahir Ağayev və maşinist köməkçisi Pirverdi Həbibovun idarə etdikləri, Sərnişin Daşıma Departamentinə məxsus "Stadler- EŞ- 019" saylı Biləcəri- Keşlə-Bakı istiqamətində hərəkət edən sürətli elektrik sərnişin qatarı dəmiryolunu keçən Araz Məmmədovu vurub və o, hadisə yerində ölüb.
Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq aparılır.
