Paytaxtda avtobus sürücüsü döyülüb.
Senzor.az Bakı Nəqliyyat Agentliyinə (BNA) istinadən bildirir ki, hadisə 12 oktyabr 2022-ci il saat 20:14 radələrində “Kənan-2000”MMC-nin istismarında olan 204 nömrəli müntəzəm marşrut xətti üzrə avtobusda baş verib.
Belə ki, sürücü Yaqub İbadovun idarə etdiyi 90VF933 DQ N-li avtobus Koroğlu NMM-dən Qala Ramana istiqamətində hərəkət edərkən 78 nömrəli məktəbin qarşısında 3 nəfər şəxs (2 oğlan, 1 xanım) dayanacaqdan kənar yerdə avtobusa minmək istəyib.
Sürücü avtobusu dayanacaqdan kənarda saxlamayaraq təyin olunmuş dayanacaqda dayanıb. Vətəndaşlar sonradan avtobusa minərək dayanacaqdan kənar saxlamadığı üçün sürücü ilə mübahisə ediblər. Sonda, videodan göründüyü kimi, həmin şəxslərdən biri sürücüyə fiziki güc tətbiq edərək xəsarət yetirir. Hadisə barəsində daşıyıcı tərəfindən polisə müraciət edilib və araşdırma aparılır.
Həmin görüntüləri təqdim edirik:
