Rusiyanın İrkutsk vilayətində "Su-30" hərbi təyyarəsi ikimərtəbəli yaşayış evinin üzərinə düşməsi nəticəsində iki pilot həlak olub.
Bu barədə TASS Fövqəladə Hallar Nazirliyinə istinadən bildirib.
Məlumata görə, sakinlər arasında itki yoxdur.
Qeyd edək ki, Rusiyanın İrkutsk vilayətində "Su-30" hərbi təyyarəsi ikimərtəbəli yaşayış evinin üzərinə düşüb. Hadisədən sonra başlayan yanğının sahəsi 200 kv.m-ə çatıb.
**15:17
Rusiyada hərbi təyyarə yaşayış binasının üstünə düşüb.
Senzor.az yerli KİV-ə istinadən bildirir ki, hadisə İrkutskun Novo-Lenino rayonunda yaşanıb.
İlkin məlumata görə, hərbi təyyarə ikimərtəbəli evin üstünə düşüb. Ehtimal olunur ki, bu, təyyarə zavodundan havaya qalxan Su-30 qırıcısı olub.
Dağıntı və tələfat barədə məlumat verilməyib.
