Rusiyanın Bryansk vilayətinin Suraj rayonunda ehtiyat neft məhsulları olan 1,8 min kvadratmetr sahədə yanğın baş verib.
Senzor.az yerli KİV-ə istinadən bildirir ki, bu barədə bölgənin qubernatoru Aleksandr Boqomaz “Telegram” kanalında məlumat veib.
“Suraj rayonunda neft məhsulları olan çənlər yanır. Hadisə yerində yanğınsöndürənlər və xilasedicilər işləyir. Zərərçəkənlər barədə məlumat daxil olmayıb”, - deyə qubernator vurğulayıb.
Yanğının söndürülməsinə 80-dən çox canlı qüvvə və 30-dan çox texnika, o cümlədən yanğınsöndürən qatar cəlb olunub. Həmçinin Rusiya Fövqəladə Hallar Nazirliyinin Bryansk vilayəti üzrə Baş İdarəsinin aviasiya qrupu da hadisə yerinə göndərilib.
