Ermənistanın Kotayk bölgəsində B55 təyyarəsinin qəzaya uğraması nəticəsində ölənlər Rusiya vətəndaşları olub.
Bu barədə Sputnik Ermənistan-a Kotayk Regional Xilasetmə İdarəsinin rəisi Gevorq Sedrakyan məlumat verib.
Xatırladaq ki, bu gün "BeechCraft 95" modeli olan təyyarə havaya qalxandan sonra, saat 13:11-də radardan itib. Sonradan onun qalıqları saat 14:20-də aşkar edilib. Hadisə yerində yalnız iki yanmış cəsəd tapılıb.
Onun sözlərinə görə, təyyarə Craber kəndindəki qum mədəninin ərazisinə düşüb. Faciənin ilkin səbəbi kimi əlverişsiz hava şəraiti göstərilir. Sıx duman fonunda görmə qabiliyyətinin azalması, eləcə də kifayət qədər sərt relyefin olması hadisənin baş verməsində ilkin versiya kimi göstərilir.
**15:10
Ermənistanda ölkənin Fövqəladə Hallar Nazirliyinə məxsus B55 B təyyarəsi qəzaya uğrayıb.
Ermənistan Fövqəladə Hallar Nazirliyi xəbər verir ki, qəza yerində 2 cəsəd tapılıb.
Hadisə yerinə xilasedicilər cəlb olunub.
