REAL TV Beyləqandakı dəhşətli qətllərlə bağlı süjet hazırlayıb.
Senzor.az həmin süjeti oxucularına təqdim edir:
**00:56
Bəyləqanda bir ailənin dörd üzvünün qətlə yetirilməsi ilə bağlı daha bir məqam məlum olub.
APA-nın əldə etdiyi xəbərə görə, tərəflər arasında sonuncu mübahisə yol verməmək üstündə olub.
Belə ki, qətlə yetirilən ailə üzvləri hadisəni törətməkdə şübhəli bilinən Fuad Cəlilzadənin yaşadığı evə gedən yolu naqillə kəsərək onun evinə gedən istiqaməti bağlayıblar.
Bu səbəbdən hadisədən bir gün əvvəl də onlar arasında dava olub.
** 00:14
Bəyləqanda öldürülən ailə üzvlərinin adı bəlli olub.
APA xəbər verir ki, düşmənçilik zəminində öldürülən 4 nəfər aşağıdakılardır:
Quliyev Nadir Cümşüd oğlu – 56 yaş;
Quliyeva Tərgül Sərxan qızı – 51 yaş;
Quluzadə Amin Nadir oğlu – 26 yaş;
Quluzadə Xəyal Nadir oğlu - 29 yaş;
Hadisəni törətməkdə şübhəli bilinən 27 yaşlı Fuad Cəlilzadə ana ilə atanı yaşadıqları evin həyətində, qardaşları isə qəbiristanlıqda qətlə yetirib.
Qeyd edək ki, ailənin 4 övladı olub. Onlardan ikisi Bakı şəhərində yaşayır. Hadisənin genişlənməməsi və təhlükəsizlik tədbirləri nəzərə alınaraq qətli törətməkdə şübhəli bilinən 1995-ci il təvəllüdlü Fuad Cəlilzadənin ailəsi yaşadığı kənddən təxliyə edilib.
**23:58(02.12.2022)
Beyləqanda bir ailənin 4 üzvü öldürülüb.
Senzor.az bildirir ki, bu barədə Baş Prokurorluğun Mətbuat Xidmətindən məlumat verilib.
Məlumata görə, dekabrın 02-si saat 22 radələrində Beyləqan rayonunun Tatallar kəndi ərazisində 1995-ci il təvəllüdlü Fuad Cəlilzadə aralarında olan düşmənçilik ədavətinə görə bir ailənin 4 üzvünü öldürməkdə şübhəli bilinərək saxlanılıb.
Faktla bağlı Beyləqan Rayon Prokurorluğunda Cinayət Məcəlləsinin müvafiq maddəsi ilə cinayət işi başlanıb.
Hazırda istintaq davam edir.
APA-nın məlumatına görə, qətlə yetirilənlər ata, ana və iki qardaşdır. Onlar odlu silahla öldürülüb. Qatil ailə üzvlərindən ikisini evdə, ikisini isə yol kənarında güllələyib.
