Türkiyənin cənub-şərqindəki Şanlıurfa şəhərinin Akçakale rayonunda yaşayış binasının birinci mərtəbəsində partlayış nəticəsində yaralanaların sayı 6-ya çatıb.
Yaralıların həyati təhlükəsi yoxdur.
Məlumata görə, partlayış istilik qazanı səbəbindən baş verib.
Bildirilib ki, partlayış yaşayış binasının birinci mərtəbəsində yerləşən zərgərlik mağazasında baş verib. Hadisə nəticəsində üç mağazaya ziyan dəyib.
Partlayış nəticəsində səpələnmiş qızıl-zinət əşyaları toplanaraq mağaza sahibinə təhvil verilib.
**12:36
Türkiyənin Şanlıurfa şəhərinin Akçakale rayonunda bazar günü altımərtəbəli yaşayış binasının birinci mərtəbəsində partlayış baş verib.
"Habertürk" xəbər verir ki, partlayış nəticəsində 4 nəfər xəsarət alıb.
Məlumata əsasən, partlayışın baş verdiyi binanın birinci mərtəbəsində iş yerləri olub.
Partlayış dalğasından binanın bir neçə divarı qismən uçub, qonşu binalarda şüşələr qırılıb, küçədə dayanan avtomobillərə ziyan dəyib.
