Rusiyanın Xantı-Mansiysk Muxtar Dairəsinin Nijnevartovsk şəhərində beşmərtəbəli yaşayış binasında partlayış nəticəsində ölənlərin sayı 6 nəfərə çatıb.
Senzor.az bildirir ki, bu barədə Rusiya Fövqəladə Hallar Xidməti məlumat yayıb.
Hadisə nəticəsində 15 nəfər xəsarət alıb, onlardan 6-sı ölüb, 4-ü xəstəxanaya yerləşdirilib.
Xilasedicilər hadisə yerində axtarış işlərini davam etdirirlər. Dağıntılar altında hələ də sakinlərin olduğu bildirilir.
Son məlumata görə, binadan 237 sakin təxliyə olunub.
**19:00
Rusiyanın Nijnevartovsk şəhərində yaşayış binasında iki mərtəbənin uçması nəticəsində beş nəfər ölüb, on nəfər yaralanıb.
Senzor.az xəbər verir ki, Rusiyanın Nijnevartovsk şəhərinin Mira küçəsində beşmərtəbəli yaşayış binasının ikinci və üçüncü mərtəbələri uçub.
Son məlumatlara görə, 5 nəfər ölüb, daha 10 nəfər yaralanıb.
Daha 52 sakini təxliyə edilib. Təcili yardım xidmətləri dağıntılar altında insanların ola biləcəyini istisna etmir.
İlkin məlumatlara görə, mənzillərdən birində məişət qazının partlaması baş verib və nəticədə evin bir neçə mərtəbəsi uçub.
Hazırda əməliyyat xidmətlərinin nümayəndələrinin cəlb olunduğu fövqəladə hadisə yerində axtarış-xilasetmə işləri davam etdirilir.
