Rusiyanın paytaxtı Moskva şəhərində “Meqa Ximki” Ticarət Mərkəzində baş verən yanğın nəticəsində bir nəfər ölüb.

TASS xəbər verir ki, bu barədə yerli Fövqəladə Hallar Xidmətindən bildirilib.

Hipermarketdə yanğın lokallaşdırılıb.

İlkin məlumata görə, hadisə elektrik enerjisi sistemindəki qısaqapanma nəticəsində baş verib.

**09:32

Moskva vilayətinin Leninqradskoye şosesində “MEGA Ximki” ticarət mərkəzində yanğın baş verib.

Senzor.az bildirir ki, bu barədə Rusiya Fövqəladə Hallar Nazirliyinin Moskva vilayəti üzrə Baş İdarəsinin rəsmi saytı  məlumat yayıb.

Məlumata görə, yanğının sahəsi 7 min kvadratmetrdir. 

Qeyd edilir ki, “Meqa Ximki” ticarət mərkəzindəki OBI hipermarketində partlayış olub, daha sonra çökmə baş verib. Çökmə sahəsi 5 min kvadratmetr ərazini əhatə edib.

Əraziyə cəlb edilən yanğınsöndürənlər alovu söndürmək üçün tədbirlər görürlər.

Fövqəladə Hallar Nazirliyinin aviasiyası hazır vəziyyətə gətirilib.

Hadisə zamanı xəsarət alanlarla bağlı məlumat verilməyib.