Cümə günü Türkiyənin cənub-şərqindəki Diyarbəkir vilayətində bomba yüklü avtomobilin partladılması nəticəsində azı 8 polis əməkdaşı və bir mülki şəxs yaralanıb.
TRT 1 kanalının hadisə yerindən verdiyi məlumata görə, insident yerli vaxtla saat 04:30 (Bakı vaxtı ilə saat 05:30) radələrində polisin xüsusi təyinatlı dəstəsini daşıyan xidməti avtobusun hərəkətdə olduğu vaxt Diyarbəkirin girişində baş verib. Yaralılar yerli xəstəxanalara çatdırılıb.
Hadisə yerinə əlavə təhlükəsizlik qüvvələri cəlb edilib. Partlayış ərazisi bloklanıb, antiterror əməliyyatı aparılır.
