Ermənistan ordusunun ikinci korpusunun keçmiş komandiri, Baş Qərargahın kəşfiyyat idarəsinin keçmiş rəisi, general-mayor Arayik Arutyunyan həbs edilib.
Bu barədə "Sputnik-Armeniya" hüquq-mühafizə orqanlarındakı mənbələrinə istinadən məlumat yayıb.
Bildirilib ki, Arutyunyan dekabrın 15-də həbs edilib.
Bildirilib ki, cinayət işi ilə bağlı dekabrın 14-də məlumat verilsə də,prokurorluğun rəsmi məlumatında təqsirləndirilən şəxsin adı, eləcə də vəzifəsi göstərilməyib. Nəşrin məlumatına görə, Arutyunyan səhlənkarlıq ucbatından 12 may 2021-ci il tarixdə Azərbaycan Ordusunun irəliləyişinin qarşısını ala bilməyib.
