Bakının Suraxanı rayonunda yol qəzası baş verib.

APA xəbər verir ki, hadisə Binə qəsəbəsində qeydə alınıb.

Belə ki, 1984-cü il təvəllüdlü Əhmədov Eldəniz Umud oğlu idarə etdiyi “Mercedes” markalı avtomobildə sükana nəzarəti itirib. Nəticədə maşın elektrik dirəyinə çırpılıb və aşıb.

Qəza zamanı E.Əhmədov və sərnişini  İsgəndərov Məmməd Pavlik oğlu hadisə yerində ölüblər.

Digər sərnişin - 1967-ci il təvəllüdlü Qurbanov Oqtay Süleyman oğlu ağır vəziyyətdə xəstəxananın reanimasiya şöbəsinə yerləşdirilib.

Daxili İşlər Nazirliyindən hadisə ilə bağlı araşdırma aparıldığı bildirilib.