Xaçmaz Şəhər Dövlət Yol Polis Bölməsi əməkdaşının idarə etdiyi 99-YP-191 dövlət nişanlı “BMW” markalı avtomobil Xudat-Nabran istiqamətində hərəkətin intensiv olduğu yerdə qəflətən yola çıxan piyada Ə.Müslümovu vurub.
APA xəbər verir ki, Yol Patrul Xidmətinin əməkdaşları ağır xəsarət alan piyadanı Bakıdakı Akdemik Mirəsədulla Mirqasımov adına Respublika Klinik Xəstəxanasına çatdırıblar. Yaralı xəstəxananın reanimasiya şöbəsinə yerləşdirilib.
DİN-in Mətbuat Xidmətinin Quba regional qrupunun baş inspektoru, polis leytenantı Xəyal Talıbov sayta bildirib ki, hazırda xəsarət alan şəxsin müalicəsi davam etdirilir, faktla bağlı araşdırma aparılır.
