Gürcüstanda bir gündə 3 zəlzələ olub.
Senzor.az yerli KİV-ə istinadən bildirir ki, ilk iki yeraltı təkan ölkənin qərbində qeydə alınıb.
Belə ki, Qomi yaşayış məntəqəsində əvvəlcə Rixter şkalası ilə 4,6, sonra isə 3,6 bal gücündə zəlzələlər baş verib.
3,1 bal gücündə 3-cü yeraltı təkana gəlincə, o, ölkənin cənubundakı Axalkalaki şəhərindən iki kilometr aralıda qeydə alınıb.
Zəlzələnin ocağı yerin 5 kilometr dərinliyində yerləşib.
İtki və dağıntılarla bağlı məlumat verilməyib.
Xatırladaq ki, Gürcüstan orta seysmik aktivliyə malik ölkədir. Gürcüstanda qeydə alınan ən güclü zəlzələ 7,0 bal gücündə 1991-ci ildə Raça və İmereti (Qərbi Gürcüstan) bölgələrində baş verib. Episentrdə intensivlik 9 bal olub.
O vaxt bu zəlzələ 200-ə yaxın insanın həyatına son qoymuş, 46 minə yaxın ev və min sənaye obyekti dağılmışdı.
Senzor.az
