Bərdədə ər arvadını bıçaqlayıb.
"Report"un məlumatına görə, hadisə axşam saatlarında Bərdədə məcburi köçkünlərin məskunlaşdığı 866 saylı qəsəbədə baş verib.
Məhəmməd adlı şəxs bir müddət əvvəl ondan ayrılaraq ata evinə gedən həyat yoldaşı Arzu adlı xanıma axşam saatlarında binanın blokunda bir neçə bıçaq zərbəsi endirib. Arzunun qışqırığına çıxan qonşuların müdaxiləsindən sonra Məhəmməd əlindəki bıçaqla binanı tərk edərək hadisə yerindən uzaqlaşıb.
Yaralı qonşuların köməkliyi ilə Bərdə Mərkəzi Rayon Xəstəxanasına yerləşdirilib.
