Şabranda 2 yük maşını toqquşub, ölənlər var.
"Report"un xəbərinə görə, hadisə rayonun Ağalıq kəndi ərazisində qeydə alınıb.
Qəza nəticəsində 2 nəfər ölüb, 1 nəfər yaralanıb.
İlkin məlumata görə, hadisəyə səbəb "KaMAZ" markalı yük avtomobilinin təkərinin partlaması nəticəsində qarşıdan gələn TIR avtomobilinə çırpılmasıdır.
Əraziyə Fövqəladə Hallar Nazirliyinin xilasediciləri və təcili tibbi yardım briqadası cəlb olunub.
Hadisə nəticəsində yolda tıxac yaranıb.
Faktla bağlı araşdırma aparılır.
