Lənkəranda yol-nəqliyyat hadisəsi baş verib.
APA-nın məlumatına görə, hadisə gecə saatlarında rayonun Heydər Əliyev prospektində qeydə alınıb.
"Mercedes" markalı avtomobillə "VAZ-2107" markalı nəqliyyat vasitəsinin toqquşması nəticəsində 4 nəfər - Əli Elçin oğlu İsmayılov (2004), Raul Vasif oğlu Axundov (2000), Asif İsa oğlu Sadiqov (1971) və Kənan Cəmil oğlu Rəhimov (1999) xəsarət alıb.
Müxtəlif dərəcəli bədən xəsarətləri alan şəxslər Lənkəran Rayon Mərkəzi Xəstəxanasına çatdırılıblar.
Faktla bağlı rayon polis şöbəsində araşdırma aparılır.
