Hərbi müxbir Vladlen Tatarskinin qətlində şübhəli bilinən Sankt-Peterburq sakini, 1997-ci il təvəllüdlü Darya Trepova saxlanılıb.
Bu barədə “İnterfaks” məlumat yayıb.
O, müstəntiqin yanına aparılıb. İstintaq hesab edir ki, Trepova kafeyə içində partlayıcı olan heykəlcik gətirib.
Qeyd edək ki, Rusiyanın Sankt-Peterburq şəhərində yerləşən Universitetskaya sahilindəki kafedə hərbi müxbir Vladlen Tatarski kimi tanınan Maksim Fominin yaradıcılıq gecəsi keçirilən zaman partlayış olub.
Belə ki, Vladlen Tatarskinin əlində ona hədiyyə olunmuş kiçik heykəl partlayıb. Nəticədə V.Tatarski həlak olub, 30 nəfər xəsarət alıb.
** 22:41(02.04.2023)
Rusiyanın Sankt-Peterburq şəhərinin mərkəzində partlayış baş verib.
Senzor.az yerli KİV-ə istinadən bildirir ki, bu barədə ölkənin fövqəladə xidmətlərindən məlumat verilib
Qeyd olunub ki, partlayış Universitet sahilində yerləşən “Street-bar” kafesində olub.
Son məlumata görə, nəticədə bir nəfər ölüb, iyirmi beş nəfər yaralanıb. Onlardan 10 nəfərin vəziyyəti ağırdır. Mərhumun hərbi jurnalist Vladlen Tatarski olduğu bildirilir. Əsl adı və soyadı Maksim Fomin olan Tatarski Ukraynanın Donbas vilayətindəndir və müharibədə Rusiya tərəfində döyüşüb. Barda hərbi jurnalistin yaradıcılıq gecəsi keçirilirmiş. 
Hadisənin şahidləri bildiriblər ki, hərbi jurnalist Vladlen Tatarskinin əlində ona hədiyyə olunmuş kiçik heykəl partlayıb. Belə ki, tədbir iştirakçılarından biri özünü rəssam Nastya kimi təqdim edib. O, Tatarskinin büstünü düzəltdiyini və təqdim etmək istədiyini söyləyib.
Qız qarderobun yanına gedib və oradan böyük qutu ilə qayıdıb. Heykəl müharibə müxbirinin əlində olanda partlayıb.
Hadisə yerinə 13 təcili yardım briqadası cəlb edilib. Zərərçəkənlərə tibbi yardım göstərilir. Onların arasında uşaq da var. 
“Baza” teleqram kanalının öz mənbəsinə istinadən verdiyi məlumata görə, partlayıcı qurğu gipsdə gizlədilib və məsafədən idarə olunub.
Ehtimal edilir ki, hücum edənlər bu yolla kafedə ola biləcək xidməti iti aldatmağı planlaşdırıblar, çünki heyvanın gipsdən partlayıcı qurğunun iyini hiss etməsi çətinləşir.
