İrəvanda keçirilən ağır atletika üzrə Avropa çempionatında Türkiyə idmançısı Bayav Pelinsu ştanqa yaxınlaşarkən huşunu itirib.

Senzor.az erməni mətbuatına istinadən bildirir ki, idmançı "Allah" deyə qışqıraraq ştanqı qaldırmağa çalışıb. Lakin o, qəflətən onu yerə atıb və bundan sonra huşunu itirib. Pelinsə dərhal ilkin tibbi yardım göstərilib.

Xatırladaq ki, aprelin 14-də İrəvanda ağır atletika üzrə Avropa çempionatının açılış mərasimində tədbirin təşkilatçılarından olan stilist Aram Nikolyanın səhnəyə qaçaraq, Bayrağımızı qapıb yandırması səbəbindən Azərbaycan idmançıları yarışda iştirakdan imtina edib və Vətənə qayıdıblar.