Türkiyənin Adana vilayətində hakim Ədalət və İnkişaf Partiyası (AKP) Çukurova təşkilatının zəlzələ səbəbiylə boşaldılmış binasına atəş açılıb.

"TRT Haber"in məlumatına görə, gənc kişi bina istiqamətində ümumilikdə 14 dəfə atəş açıb.

Polis tərəfindən saxlanılmış 24 yaşlı E.K. hazırda dindirilir.

AK Parti sədrinin müavini Erkan Candemir məsələyə münasibət bildirərək hadisəni qınayıb: "Bütün təşkilatımıza keçmiş olsun".

Ədliyyə naziri Bəkir Bozdağ da hadisəni pisləyib.