Xaçmaz şəhərində məktəbdən çıxaraq itkin düşən 2 qardaş tapılıb.
Bu barədə Senzor.az-a DİN-in Mətbuat Xidmətinin Quba regional qrupundan məlumat verilib.
Xatırladaq ki, Xaçmaz rayon sakinləri - 16 yaşlı Nicat Muradov və qardaşı, 13 yaşlı Kənan aprelin 20-də təhsil aldıqları Xaçmaz rayon 9 saylı tam orta məktəbdən çıxdıqdan sonra onları görən olmamış, eləcə də yaşadıqları evə qayıtmamışdılar.
**14:18
Xaçmaz şəhərində məktəbdən çıxaraq itkin düşən 2 qardaş tapılıb.
Bunu "Report"a açıqlamasında məktəblilərin atası Tural Muradov bildirib.
"Övladlarım Nicat və Kənan aprelin 22-də günorta saatlarında internet vasitəsi ilə əlaqə saxlayaraq Xaçmaz şəhərinin mərkəzində olduqlarını bildirdilər", - o söyləyib.
**10:44
Xaçmazda iki məktəbli itkin düşüb.
APA-nın verdiyi məlumata görə, Xaçmaz şəhər sakinləri, 9 saylı məktəbin 10-cu sinif şagirdi Nicat Muradov və onun qardaşı, 7-ci sinif şagirdi Kənan 3 gün öncə dərsdən çıxıb və evə qayıtmayıblar.
Onları görən şəxslərdən bu barədə polisə və ya (055/070) 234-50-30 mobil nömrələrinə məlumat vermələri xahiş olunur.
