Pakistanda polis idarəsinə bombalı hücum olub.
Senzor.az yerli KİV-ə istinadən bildirir ki, hadisə zamanı 8 polis əməkdaşı həlak olub, daha 57 nəfər isə yaralanıb.
Ölkənin şimal-qərbindəki Hayber Paxtunxva əyalətinin Svat bölgəsində həyata keçirilən hücumda hədəfin Pakistanın Terrorla Mübarizə Bölməsinin (CTD) olduğu bildirilir.
Bombalı hücumda iki partlayışın olduğu və polis idarəsinin binasının tamamilə dağıldığı qeyd edilib.
Hadisə yerində axtarış-xilasetmə işlərinin davam etdiyi bildirilir.
Yurnalistlərə açıqlama verən polis rəsmisi hadisənin kamikadze tərəfindən törədildiyini bildirib.
