Pakistanın şimal-qərbindəki Hayber Paxtunxva əyalətinin Paraçinar şəhərində məktəbə silahlı hücum nəticəsində 7 müəllim həyatını itirib.
Bu barədə “Dunya News” məlumat yayıb.
Bildirilib ki, Əfqanıstanla sərhəddə yerləşən Paraçinarda naməlum şəxslər imtahan zamanı orta məktəbə silahlı hücum edib.
Polis rəsmiləri hücumun səbəbi ilə bağlı araşdırma başladıb.
Hüquq-mühafizə orqanları hadisənin terrorla əlaqəli olduğunu istisna etməyib.
