Bakının Yasamal rayonunda yol qəzası baş verib.

APA bildirir ki, yol-nəqliyyat hadisəsi Abbas Mirzə Şərifzadə və Əsəd Əhmədov küçələrinin kəsişməsində qeydə alınıb.

Belə ki, kəsişmədən keçən “Mercedes” markalı nəqliyyat vasitəsi Əsəd Əhmədovdan gələn “Toyota” markalı maşına çırpılıb.

Eyni istiqamətdən gələn “Hyundai” markalı avtomobilin sürücüsü sükana nəzarəti itirərək maşınını “Toyota”ya çırpıb.

Zərbənin təsirindən “Toyota” Abbas Mirzə Şərifzadə küçəsində olan “Changan” markalı maşına dəyib.

Qəza nəticəsində bir nəfər xəsarət alıb.

Üç avtomobilə ciddi ziyan dəyib.

Fakt araşdırılır.