Almaniyanın Rust şəhərində Avropa ölkələrinə həsr olunmuş on altı tematik zonadan ibarət “Avropa-Park”da yanğın baş verib.

Bu barədə vesti.ru xəbər yayıb.

İlkin məlumatlara görə, yanğının episentri İspaniya sektorunda yerləşən panoramik qatar stansiyasının yaxınlığında yerləşir.

Hadisə yerinə yanğınsöndürmə briqadaları cəlb olunub. Park həmişəkindən bir saat tez bağlanıb və ziyarətçilər təxliyə ediliblər. Zərərçəkənlər, hadisənin səbəbləri və son vəziyyət barədə məlumatlar dəqiqləşdirilir.

Qeyd edək ki, park təxminən 90 hektar ərazini əhatə edir.