Dağıstanda, Qafqaz şosesində sərnişin avtobusu minik avtomobili və “KamAZ” markalı yük maşını ilə toqquşub.
TASS bildirir ki, bu barədə bölgənin Fövqəladə Hallar Xidməti məlumat yayıb.
“Dağıstanın Kizlyar rayonunun Koxanovka kəndi yaxınlığında - R-217 federal yolunda Moskvadan Xasavyurt istiqamətində hərəkət edən minik avtomobili, “KamAZ” yük maşını və sərnişin avtobusu toqquşub”, - məlumatda bildirilib.
Qəza nəticəsində 8 nəfərin öldüyü, 16 nəfərin yaralandığı qeyd edilib.
Vurğulanıb ki, Moskvadan Xasavyurta gedən avtobusun içərisində 25 nəfər olub.
Hazırda polis hadisə yerində qəzanın səbəblərini araşdırır.
