Qaxın qayalıq ərazisində, rayon mərkəzindən 20, İlisu kəndindən isə 7 km məsafədə yerləşən "İlisu Dağ Hamamı" adlanan ərazidə yıxılan şəxsin ad-soyadı məlum olub.
"Report"un məlumatına görə, bu, Qaxın Zəyəm kənd sakini, 1993-cü il təvəllüdlü Abdullazadə Zəfər Mirzə oğludur.
Hazırda onun təxliyəsi həyata keçirilir.
Qeyd edək ki, hadisə ilə əlaqədar əraziyə FHN-in Qax Yanğından Mühafizə Hissəsinin texnikası və şəxsi heyəti, Qax Rayonu Mərkəzi Xəstəxanasının həkimləri əraziyə cəlb olunub.
**16:41
Qax rayonunda qayalıq ərazidə turist yıxılıb, hazırda onun təxliyəsi həyata keçirilir.
"Report"un məlumatına görə, hadisə Qaxın mərkəzindən 20, İlisu kəndindən isə 7 km məsafədə yerləşən "İlisu Dağ Hamamı" adlanan ərazidə baş verib.
Yaralı olduğu ehtimal olunan turistin təxliyəsi üçün Qax Yanğından Mühafizə Hissəsinin texnikası və şəxsi heyəti, Qax Rayonu Mərkəzi Xəstəxanasının həkimləri əraziyə cəlb olunub.
Hazırda xilasetmə işləri davam edir.
