Rusiyanın paytaxtı Moskvanın “Moskva Siti” biznes mərkəzinə yenidən dron hücumu olub.
Senzor.az yerli KİV-ə istinadən bildirir ki, paytaxt meri Sergey Sobyanin məlumatı təsdiqləyib: “Bir neçə dron Moskvaya uçmaq istəyərkən hava hücumundan müdafiə sistemləri tərəfindən vurulub. Biri keçən dəfə olduğu kimi Sitinin eyni qülləsinə çatıb. 17-ci mərtəbə səviyyəsindəki fasad zədələnib”.
İlkin məlumata görə, olayda yaralanan olmayıb.
Xatırladaq ki, "Moskva Siti"yə iyulun 30-da dron hücumu olmuşdu. Həmin hadisədə 1 nəfər yaralanmışdı.
