Gürcüstanın paytaxtı Tbilisidə fəaliyyət göstərən “Lilo Mall” ticarət mərkəzində silahlı insident baş verib.
Senzor.az yerli KİV-ə istinadən bildirir ki, silahlı şəxs ticarət mərkəzindəki tekstil mağazasının sahibi olan etnik azərbaycanlı Roman İsayevlə söhbət etmək üçün onun küçəyə çıxmasını istəyib, lakin sonuncu buna rədd cavabı verib. Bundan sonra şübhəli atəş açaraq onu yaralayıb və daha sonra ərazidən qaçıb.
Başından güllə yarası almış biznesmen xəstəxanaya çatdırılıb, həkimlər onun vəziyyətini ağır qiymətləndirirlər. Roman İsayevin süni tənəffüs aparatına qoşulduğu bildirilir.
Biznesmenə atəş açan şəxsə gəlincə, Gürcüstan polisinin artıq onu yaxaladığı bildirilir.
Faktla bağlı Gürcüstan Cinayət Məcəlləsinin 108-ci (qəsdən adam öldürməyə cəhd) maddəsi ilə cinayət işi açılıb.
