Moskva vilayətinin Serqiyev Posad şəhərindəki zavodda baş verən partlayış nəticəsində tibbi yardım üçün müraciət edənlərin sayı 56 nəfərə çatıb.
Bu barədə Moskva vilayətinin qubernatoru Andrey Vorobyov özünün "Telegram" kanalında məlumat verib.
"İzvestiya" nəşri isə mənbəyə istinadən xəbər verib ki, hadisə nəticəsində xəsarət alan qadın xəstəxanada ölüb.
**14:08
Rusiyanın Moskva vilayətinin Sergiyev Posad şəhərində baş verən partlayış nəticəsndə yaralananların sayı 38-ə çatıb.
Rusiya KİV xəbər verir ki, bu barədə yerli administrasiyadan bildirilib.
**
Moskva vilayətinin Sergiyev Posad şəhərində baş verən partlayış nəticəsində yaralananların sayı 31-ə çatıb.
Rusiya KİV xəbər verir ki, bu barədə vilayətin qubernatoru Andrey Vorobyov bildirib.
Qeyd olunub ki, yaralananlardan 19-u hospitala yerləşdirilib.
**
Rusiyanın Moskva vilayətinin şimal-şərqində yerləşən Sergiyev Posad şəhərində yerləşən Zaqorsk Optik-Mexaniki zavodda partlayış olub.
Bu barədə TASS məlumat yayıb.
İlkin məlumata görə, 11 nəfər yaralanıb.
Hadisənin şəraiti və səbəbi araşdırılır.
Qeyd edək ki, Zaqorsk Optik-Mexaniki zavod 1935-ci ildən fəaliyyət göstərir. Müəssisə hüquq-mühafizə orqanları, sənaye, səhiyyə sahələrinə və opto-elektronik cihazlar istehsal edir. Zavod Rusiya optik sənayesinin əfsanəvi müəssisəsi sayılır.
