Ekvadorun paytaxtı Kitoda ölkə prezidentliyinə namizəd Fernando Vilyavisensio seçkiqabağı mitinq zamanı güllələnib.
Bu barədə Ekvadorun “El Universo” qəzeti məlumat yayıb.
Məlumatı onun dostu, seçki kampaniyasının məsləhətçisi Karlos Figeroa da təsdiqləyib. Onun sözlərinə görə, Vilyavisensio başına açılan 3 atəş nəticəsində öldürülüb.
Ekvador Prezidenti prezidentliyə namizəd Fernando Vilyavisensionun öldürülməsindən sonra 60 gün müddətinə fövqəladə vəziyyət elan edib.
