Xəbər verdiyimiz kimi, Balakəndə sürücünün idarəetməsindən çıxan avtomobil ağaca çırpılaraq yanıb.

Nəticədə “Daewoo” markalı avtomobil alışarkən, 35 yaşlı sürücü Aruz Dinavasov sükan arxasından çıxa bilməyib. Onun yanmış meyiti çıxarılaraq aidiyyəti üzrə təhvil verilib.

“Qafqazinfo” hadisənin kamera görüntülərini təqdim edib:

**15:48

Bu gün saat 12 radələrində Balakən rayonunun Poştbinə kəndi ərazisində hərəkətdə olan “Daewoo” markalı minik avtomobilinin sürücüsü, 1988-ci il təvəllüdlü Tülü kənd sakini Aruz Dinavasovun idarəetməni itirməsi nəticəsində nəqliyyat vasitəsi yoldan çıxaraq ağaca çırpılıb.

Senzor.az bildirir ki, bu barədə Daxili İşlər Nazirliyinin Mətbuat Xidmətindən məlumat verilib.

Qeyd olunub ki, hadisə zamanı avtomobildə yanğın baş verib və sürücü də nəqliyyat vasitəsinin içərisində yanaraq ölüb.

Hadisə ilə bağlı Fövqəladə Hallar Nazirliyi də məlumat yayıb.

Bildirilib ki, hadisə zamanı sürücünün yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib. Yaxınlıqdakı ağac yanğından mühafizə olunub. Alovun qarşısı yanğından mühafizə bölmələri tərəfindən alınıb.

Hadisə ilə əlaqədar müvafiq qurumlar tərəfindən təhqiqat aparılır.