Krasnoyarsk diyarının Şaripovo şəhərində yerli sakinlərlə baş verən və bir nəfərin öldüyü davadan sonra 4 azərbaycanlı saxlanılıb.

Lent.az bildirir ki, bu barədə Rusiya İstintaq Komitəsinin regional İstintaq Komitəsinin mətbuat xidməti xəbər yayıb.

İstintaqın məlumatına görə, avqustun 26-da səhər saat 5 radələrində Şaripovo şəhərinin 6-cı mikrorayonunun küçələrinin birində sərxoş vəziyyətdə olan üç azərbaycanlı qıza təcavüz edib, ər-arvad və onların tanışı onun müdafiəsinə qalxıblar. Daha sonra şübhəlilər armatur və iki tikinti çəkici gətirən dostlarını çağırıblar.

"Nəticədə sözlü münaqişə davaya çevrilib. Dörd şübhəli qurbanlara hücum edərək, onların bədəninin müxtəlif hissələrinə armatur və çəkiclərlə dəfələrlə zərbələr endiriblər. Şübhəlilərdən biri yanında olan bıçaqla bir nəfərə xəsarət yetirib", - İstintaq Komitəsi bildirib.

Nəticədə 30 yaşlı kişi aldığı bıçaq xəsarətlərindən yerindəcə keçinib, 27 yaşlı zərərçəkmiş və onun 25 yaşlı həyat yoldaşı müxtəlif dərəcəli bədən xəsarətləri ilə xəstəxanaya yerləşdirilib.

Polis 4 azərbaycanlını saxlayıb. Araşdırmalar davam etdirilir.